NOCOMMENT.az Rusiya mətbuatına istinadən xəbər verir ki, Şənbə günü Türkiyənin bir neçə şəhərində temperatur rekordları qırılıb, ölkənin qərbində Bursada 32 dərəcə isti olub, istilər güclü küləklə müşayiət olunub. Bu barədə RİA Novosti məlumat verib.
Türkiyə Meteorologiya Baş İdarəsinin məlumatına görə, saat 15:00-a qədər Bursada hava 31,7°C-yə qədər istiləşib. Bu, 1928-ci ildən bəri noyabr ayı üçün mütləq rekord idi.
İstanbulda termometr gün ərzində +26,7°C-ə yüksələrək, 1950-ci ilin noyabrında, yəni tam +27°C olan rekorda az qala bərabərləşdi. Eyni zamanda, istilər 9-10 m/s sürətlə cənub küləyi ilə müşayiət olunur və sinoptiklər gecə saatlarında leysan yağacağını və küləyin daha da güclənəcəyini vəd edir. Buna görə də mütəxəssislər açıq havada ağacların və dirəklərin altında qalmağın təhlükəsi barədə xəbərdarlıq ediblər.
