Yunanıstanın baş naziri Kiriakos Mitsotakis Türkiyənin müdafiə sənayesinə təriflər yağdırıb.
NOCOMMENT.az xəbər verir ki, o, ölkəsinin ordusu haqqında isə: “Biz hələ də keçmişdəki çatışmazlıqları tamamlamağa çalışırıq” deyib.
Baş nazir ölkəsinin bu baxımdan geri qaldığını etiraf edib:
“Türkiyənin çox əhəmiyyətli bir müdafiə sənayesi ixracatı var. Digər tərəfdən, biz hələ də keçmişdəki çatışmazlıqları tamamlamağa çalışırıq. Bizim 40-a qədər F-35 almaq imkanımız var. Biz F-35-ləri birdən almayacağıq, çünki bu, çox bahalı alışdır. Birinci mərhələdə biz F-35-lərin bir qismini 2030-cu ilə qədər almağı planlaşdırırıq”.
