Ukrayna Quru Qoşunlarının komandanı Aleksandr Sirskiy rus qoşunlarının Baxmut cəbhəsinin bəzi bölgələrində 2 kilometr geri çəkildiyini bildirib.
NOCOMMENT.az xəbər verir ki, Sirskiy sosial media hesabından verdiyi açıqlamada Ukrayna əsgərlərinin Baxmut istiqamətində aparılan müdafiə əməliyyatlarının nəticələrini aldığını bildirib.
Bu istiqamətdə təsirli əks-hücum keçirdiklərini bildirən Sirski, “Cəbhənin bəzi yerlərində düşmən Ukrayna əsgərlərinin təzyiqinə tab gətirə bilməyib və 2 kilometr geri çəkilib” deyə açıqlama verib.
Sirski Ukrayna ordusunun 3-cü hücum briqadasının “rus qoşunlarına güclü zərbə vurduğunu və Ukrayna ordusunun gücünü nümayiş etdirdiyini” qeyd edib.
NOCOMMENT.AZ