“Ukrayna Rusiya ilə neytral ölkə statusuna və öz ərazilərində NATO-nun hücum silahlarının yerləşdirilməməsinə razılıq verə bilər”.
NOCOMMENT teleqraf-a istinadən xəbər verir ki, bunu siyasi ekspert Zaur İbrahimli deyib.
Ekspert Rusiya-Ukrayna müharibəsi ətrafındakı son duruma diqqət çəkib: “Ukraynada müharibənin dayanması üçün Moskva və Kiyevin öz şərtləri var. Tərəflər necə sövdələşə bilər?
Rusiyanın maksimalist şərtləri
– Ukrayna NATO-ya üzv olmaqdan imtina etməli, rəsmən neytral status qəbul etməli, Rusiyanın təhlükəsizliyinə xələl gətirəcək addımlar atmamalıdır.
– Krımdan rəsmən imtina etməli, qondarma Luqansk və Donetsk Xalq Respublikalarını tanımalıdır.
– Rusiya biznesinə və Kreml tərəfdarlarının ölkədə fəaliyyət üçün tam imkanlar yaratmalıdır.
– Rus dilində tədris və digər fəaliyyətlərə tam şərait yaradılmalıdır.
Ukraynanın maksimalist şərtləri
– Rusiya qoşunları bütün Ukrayna ərazisindən, qondarma Luqansk və Donetsk Xalq Respublikalarından çıxmalıdır. Krımı geri qaytarmalıdır.
– Rusiya ilə Ukrayna ərazisində NATO-nun starteji hücum silahlarının yerləşdirilməməsi ilə bağlı məsələləri müzakirə etmək olar, Kiyev bununla bağlı öhdəlik götürə bilər.
– Rusiya Ukraynanın daxili işlərinə qarışmayacağı ilə bağlı öhdəliklər götürməlidir.
Rusiyanın razılaşa biləcəyi məsələlər
– Ukraynanın neytral ölkə statusu.
– Kiyevin qondarma Luqansk və Donetsk Xalq Respublikaları ilə danışıqlara başlamağa razılaşması, bu “respublikalar”a xüsusi statusun verilməsi.
– Rus dilində tədris və digər fəaliyyətlərə şərait yaradılması.
– Rusiya qoşunlarının Ukraynadan mərhələ-mərhələ çıxarılması, lakin qondarma Luqnask və Donetsk Xalq Respublikalarında hərbi hissələrin qalması.
– Rusiyaya qarşı sanksiyaların mərhələ-mərhələ zəiflədilməsi.
Ukraynanın razılaşa biləcəyi məsələlər
– Neytral ölkə statusu ilə bağlı məsələlərin müzakirəsi, NATO-nun hücum silahlarının yerləşdirilməməsi.
– Qondarma Luqansk və Donetsk Xalq Respublikaları ilə ölkənin fedarallaşmaması müqabilində, yerli idarəetmə imkanlarının verilməsinin müzakirəsi.
– Rusiya qoşunlarının mərhələ-mərhələ çıxması.
– Ukraynada qalacaq rus hərbiçlərinə nəzarət üçün beynəlxalq missiyanın yaradılması.
– Rus dili ilə əlaqədar məhdudiyyətlərin zəiflədilməsi”.
