Ümumdünya Səhiyyə Təşkilatının Baş Direktoru Tedros Adhanom Ghebreyesus, iyul ayının “ən isti ay” olmasından sonra iqlim dəyişikliyinin həlli üçün təcili birgə fəaliyyətə ehtiyac olduğunu söyləyib.
NOCOMMENT.az xəbər verir ki, Tedros Adhanom Ghebreyesus “Twitter” hesabında paylaşım edərək, “ən isti” iyulun geridə qaldığını və bu ayın qızmar istilərin, ekstremal təbiət hadisələrinin, meşə yanğınlarının və onların yaratdığı ciddi sağlamlıq problemlərinin şahidi olduğunu bildirib.
“Bu, iqlim dəyişikliyi ilə mübarizə üçün birgə fəaliyyətin təcili ehtiyacının aydın xatırlatmasıdır.” ifadələrini istifadə edən Qebreyesus iqlimlə bağlı cəsarətli addımların atılmasının lazım olduğunu vurğulayıb.
“Birlikdə biz davamlı həll yollarına marağı artıra və gələcək nəsillər üçün daha soyuq, daha möhkəm dünya yarada bilərik” deyə o qeyd edib.
NOCOMMENT.AZ
