“WhatsApp” tərtibatçıları messencerdə stikerlərin yaradılmasını asanlaşdırmaq istəyirlər.
NOCOMMENT.az WABetaInfo portalına istinadən xəbər verir ki, “WhatsApp”ın versiyalarından birində birbaşa çatda fotodan stikerlər yaratmaq funksiyası aşkar edilib.
Mənbənin məlumatına görə, WhatsApp-ın Android üçün beta versiyasında 2.24.6.5 nömrəsi altında stiker redaktoru aşkar edilib ki, bu da istənilən şəkli açarkən onu stikerə çevirməyə imkan verir. Bunu etmək üçün sadəcə bir fotoşəkil açın, üç şaquli nöqtə kimi görünən “Seçimlər” düyməsini basın və sonra açılan menyudan “Stiker yarat” bölməsini seçin. İstifadəçidən dərhal stiker saxlamaq və ya redaktə etmək təklif olunacaq, bundan sonra onu istənilən söhbətə göndərmək olar.
WABetaInfo ekspertlərinin fikrincə, bu yanaşma stikerlərin yaradılmasını xeyli sadələşdirəcək və sürətləndirəcək.
