Xankəndidə ermənilərin yerləşdirilməsi zamanı böyük dələduzluq faktı ortaya çıxıb.
NOCOMMENT teleqraf-a istinadən xəbər verir ki, müharibə zamanı Azərbaycan ərazilərindən çıxarılan erməniləri sonradan Xankəndidə yerləşdirmək məqsədilə separatçılar addımlar atıb.
Bu zaman bir çox erməniləri şirnikləndirmək məqsədilə separatçılar onları hotellərdə yerləşdirməli olublar.
İndi məlum olur ki, separatçıların sözdə ərazi idarəetmə və infrasturuktur nazirlyi ilə hansısa hotel arasında erməniləri yerləşdirmək üçün müqavilə bağlanıb. Müqavilədə 2020-ci ilin dekabrından 2021-ci ilin avqustuna qədər hoteldə qalacaq ermənilərin sayı, kimliyi və buna görə ödəniləcək pulun miqdarı öz əksini tapıb.
Amma sonradan məlum olub ki, hoteldə yaşayacaq şəxslər haqqında yalan məlumatlar düzəldilib. Nəticədə 2 235 000 dram (təxminən 4 500 dollar) yeyinti qeydə alınıb.
