Martın 29-da Qarabağdan Ermənistana gedən Sarkis Qalstyan casusluqda ittiham olunur və onun barəsində həbs-qətimkan tədbiri seçilib.
NOCOMMENT.az ölkə.az-a istinadən xəbər verir ki, bu barədə Ermənistanın İstintaq Komitəsinin mətbuat katibi Qor Abramyan məlumat verib .
“Hazırda ibtidai istintaqın maraqlarına əsaslanaraq, digər məlumatlar açıqlana bilməz”, – Abramyan əlavə edib.
Qeyd edək ki, Sarkis Qalstyanla birlikdə onun həyat yoldaşı Marqarita Şaxnazaryan da Ermənistana gedib
O, 19-20 sentyabr 2023-cü ildə Qarabağda həyata keçirilən antiterror əməliyyatından sonra Xankəndidən köçməyib qalanlardandır. Hətta o zaman erməni mediası Qalstyanın Azərbaycan tərəfindən Xankəndiyə komendant təyin edilməsi barədə məlumatlar da yayıldı.
