Dünya bu gecə 2023-ü yola salaraq yeni ili salamladı.
Bir çox ölkələrdə Yeni ilin gəlişi xüsusi qeyd olundu, atəşfəşanlıqla 2024-ə keçid edildi. Lakin bəzi ölkələr hökumətlərin qoyduğu qadağalardan dolayı yeni ili bayram deyil, sıradan bir gün kimi qarşıladı.
NOCOMMENT.az Cebhe.info-ya istinadən xəbər verir ki, Yeni il qeyd etməyən həmin ölkələrin siyahısını təqdim edir:
* Pakistanın Baş naziri Ənvaarul Hak Kakar televiziya çıxışında oktyabrın 7-dən bəri İsrailin ağır bombardmanlarına məruz qalan fələstinlilərlə həmrəylik əlaməti olaraq bütün Yeni il şənliklərinin qadağan edilməsinə qərar verildiyini açıqlayıb.
*2015-ci ildən bəri əksəriyyəti müsəlman olan Bruneydə bütün yeni il şənlikləri qadağan edilib.
*Tacikistanda da 2015-ci ildən etibarən bi bayramın keçirilməsinə qadağa qoyulub. Ölkədə ictimai yerlərdə Milad ağacları bəzədilə bilməz və atəşfəşanlıq nümayişi keçirilmir. Ölkədə yalnız bir şam ağacı simvolik olaraq bəzədilir.
* Somalidə də 2015-ci ildən yeni il tədbirləri qadağan edilib. Asayiş keşikçiləri müsəlmanların inancına xələl gətirə biləcək qeyd etmələrin ola biləcəyini əsas gətirərək bayram günlərində küçələri yoxlayır.
*2021-ci ildə hakimiyyətə gələn Taliban tərəfindən idarə olunan Əfqanıstan da bu cür qadağaları olan ölkələr siyahısına əlavə edilib.
*İranda da təqvim mart ayında dəyişdiyindən ölkədə bu bayram rəsmi səviyyədə qeyd edilmir. Xalq arasında da Milad bayramına xüsusi rəğbət yoxdur.