“Bu gün baş verən zəlzələnin davametmə müddəti 50 saniyə, hissolunma müddəti 7 saniyə təşkil edib”.
NOCOMMENT.az xəbər verir ki, bunu Respublika Seysmoloji Xidmət Mərkəzinin baş direktoru Qurban Yetirmişli Xəzərdə baş verən zəlzələ ilə bağlı keçirilən mətbuat konfransında deyib.
O bildirib ki, zəlzələyə səbəb Siyəzən qırılmasının aktivləşməsidir:
“Zəlzələdən sonra 6 afterşok qeydə alınıb”.
Qeyd edək ki, bu gün Altıağac seysmoloji stansiyasından 51 kilometr şimal-şərqdə – Xəzər dənizində zəlzələ baş verib. Yerli vaxtla saat 08:16-da qeydə alınan zəlzələnin maqnitudası 5,6-ya bərabər olub.
Ocağı 68 kilometr dərinlikdə yerləşən yeraltı təkanlar Altıağac, Siyəzən, Quba, Qusar, Xaçmaz, Şabran, Qobustan, Abşeron yarımadasında 5-3 bala qədər hiss olunub.
