Gürcüstanın eks-prezidenti və hazırda Gürcüstanda həbsdə olan Mixail Saakaşvili Salome Zurabişviliyə məktub yazıb.
NOCOMMENT.az xəbər verir ki, Saakaşvili məktubu Prezidentin onun əfvindən imtina etməsinə cavab olaraq yazıb.
“Mən Gürcüstan həbsxanasındayam, çünki 2014-cü ildə Ukraynaya gəlib Avromaydandan sonra yeni hökumətə kömək etməyə başlayanda Gürcüstanda 2 milyard dollar verərək hakimiyyətə gətirdiyi oliqarx İvanişviliyə cinayət işi açmağı əmr edən Putin olub.
Putin məni 2004-cü ildə Ukraynanın birinci Maydanını dəstəklədiyimi və 2008-ci ildə Tiflisə buraxmadığımı və Gürcüstan dövlətçiliyini müdafiə etdiyimi bağışlaya bilməzdi”, – Saakaşvili bildirib.
Siyasətçi qeyd edib ki, 2021-ci ildə Gürcüstana qayıdıb:
“Zurabişviliyə gəlincə, o, ikiüzlüdür və heç vaxt İvanişviliyə faydası olmayan iş görmür. Baxmayaraq ki, bəzən düzgün şeylər deyir. İndi o, sadəcə olaraq, Zelenskidən Ukraynaya dəvət almaq üçün yalvarır.
Zurabişvili İvanişvilinin Qərbi inandırmaq üçün istifadə etdiyi adi kukladır. 2008-ci ildə Sxinvaliyə edilən hücuma görə mənim mühakimə olunmağımı tələb etdiyini xatırlamaq kifayətdir”.
