İsrailin cənubunda yerləşən hərbi bazaların birində baş vermiş bədbəxt hadisə nəticəsində İsrail Müdafiə Qüvvələrinin (SAXAL) dörd hərbçisi müxtəlif dərəcəli bədən xəsarətləri alıb. Hadisənin dəqiq səbəbləri barədə hələlik rəsmi açıqlama verilməyib.
NOCOMMENT.az xəbər verir ki, yaralanan hərbçilərdən birinin vəziyyəti ağır, birinin vəziyyəti orta-ağır, digər iki nəfərin xəsarətləri isə yüngül kimi qiymətləndirilir. Yaralıların hamısı dərhal yaxınlıqdakı xəstəxanaya təxliyə edilib və həkim nəzarətinə götürülüblər.
Hərbi rəhbərlik hadisənin təfərrüatlarını gizli saxlasa da, faktla bağlı daxili araşdırmalara başlanılıb. İlkin ehtimallara görə, hadisə hərbi təlimlər və ya silahla ehtiyatsız davranış nəticəsində baş verə bilər. Qeyd edək ki, son günlər regionda gərginliyin artması ilə əlaqədar İsrailin cənubundakı hərbi bazalarda hazırlıq səviyyəsi maksimuma çatdırılıb ki, bu da hərbi personalın iş yükünü və riskləri artırıb. Hadisə ilə bağlı əlavə məlumatlar daxil olduqca ictimaiyyətə açıqlanacaq.
Sara,
NOCOMMENT.az
