Bahalı toy qalmaqalından sonra “qızıl hakim” kimi məşhurlaşan və Rusiyadan qaçan keçmiş hakim Yelena Xaxaleva Tiflisdəə yaşayır.
NOCOMMENT.az xarici mediaya istinadla xəbər verir ki, bu barədə onun vəkili Yaroslav Krasnoşçekov bildirib.
Onun sözlərinə görə, istintaq orqanları beynəlxalq axtarışda olan keçmiş hakimin harada olduğunu bilirlər.
Rusiya Baş Prokurorluğu Krasnodar Vilayət Məhkəməsinin keçmiş hakimi Xaxaleva və onun qohumlarının aktivlərinin dövlət tərəfindən müsadirə edilməsi tələbi ilə iddia qaldırıb. Ofisin məlumatına görə, “qızıl hakim”in ailəsi qanunsuz olaraq böyük torpaq sahələri əldə edib, bunlardan biri 20 milyard rubl dəyərindədir. Prokurorluq Yelena Xaxalevanın Krasnodar yaxınlığındakı evini, bacısı Nataliyanın mənzilini və analarının Olginkadakı evini və torpağını müsadirə etmək istəyir. Hakimin əri Robert Xaxalevin Kubandakı binaları və torpaqları da daxil olmaqla aktivləri də müsadirə edilə bilər. Departamentin məlumatına görə, onun əmlakının bir hissəsi xaricə köçürülüb.
Baş Prokurorluğun iddiasından sonra məhkəmə ailənin və əlaqəli tərəflərin aktivlərinin üzərinə həbs qoyub. Həbs altına kənd təsərrüfatı firmaları və Lazarevskoye sanatoriyası da daxil olmaqla on beş şirkət düşüb.
2021-ci ildə keçmiş hakim dələduzluqda ittiham olunub və bundan sonra o, Rusiyanı tərk edib. Lakin bacısı Nataliya Xaxaleva Krasnodar diyarının Arbitraj Məhkəməsində hakim kimi fəaliyyətini davam etdirir.
Onlar Rusiya Hakimlər Şurasının keçmiş rəhbəri Viktor Momotovun himayəsindən istifadə ediblər. (Musavat.com)
