ABŞ Konqresinin Nümayəndələr Palatasının demokrat üzvü Adam Smit deyib ki, spiker Mayk Consonun Kiyevə yardım haqqında qanun layihəsinə baxılacağı ilə bağlı bəyanatına inanmamaq üçün heç bir səbəb yoxdur, çünki o, “Ukraynadan əl çəkməyəcəyinə” söz verib.
NOCOMMENT.az xəbər verir ki, onun sözlərini “The Hill” sitat gətirir.
Smitin sözlərinə görə, Conson “Ukraynanı tərk etməyəcəyini” deyib və “sözünün üstündə durmayacağına” inanmamaq üçün heç bir səbəb yoxdur. Eyni zamanda, bu baş verməsə, bu, onun vəzifədən uzaqlaşdırılması cəhdinə səbəb olmayacaq, – demokrat vurğulayıb.
“O, layiqli, ağıllı insandır və mənim onunla yaxşı, işgüzar münasibətim var”, – deyə Smit bildirib.
Bundan əvvəl ABŞ Nümayəndələr Palatasının spikeri Mayk Conson Ukraynaya yardımın ayrılması ilə bağlı qanun layihəsinə aprelin 9-da başa çatan Pasxa bayramlarından sonra baxılacağını bildirərək, “vacib yenilikləri” elan edib.
