İsveçin xarici işlər naziri Tobias Billström ittifaqın xarici işlər nazirləri və müdafiə nazirlərinin Lüksemburqda keçirilən iclasına gəldikdən sonra bildirib ki, Aİ ölkələri mayeləşdirilmiş təbii qazın (LNG) tədarükünə qadağanı Rusiya əleyhinə 14-cü paketə daxil etməyi planlaşdırır.
NOCOMMENT.az xəbər verir ki, bu barədə TASS məlumat yayıb.
“Rusiyaya qarşı 14-cü sanksiyalar paketinin qəbulu ən vacib addımlardan biridir. Biz mayeləşdirilmiş təbii qazın idxalına qadağa daxil etmək niyyətindəyik”, – Billström bildirib.
Bundan əvvəl Financial Times (FT) qəzeti ABŞ-ın dövlət katibi Entoni Blinkenin Çinə səfəri zamanı Pekini Rusiyanın hərbi sənaye kompleksinə (MİK) dəstək verdiyinə görə sanksiyalarla hədələyəcəyini yazmışdı.
Söhbət ayrı-ayrı müəssisələrə deyil, Amerika maliyyə sisteminə çıxışı itirə biləcək ÇXR-in maliyyə institutlarına və banklarına qarşı sanksiyalardan gedir.
Vaşinqton hesab edir ki, Çin hava hücumundan müdafiə sistemini dəstəkləmək üçün Rusiyaya “çiplərdən tutmuş qanadlı raketlərə qədər hər şeyi” verir.
