2026-cı ildə Bakının ev sahibliyi edəcəyi Dünya Şəhərsalma Forumuna hazırlıq işləri gedir.
NOCOMMENT.az Metbuat.az-a istinadən xəbər verir ki, bunu jurnalistlərə açıqlamasında Dövlət Şəhərsalma və Arxitektura Komitəsinin sədri Anar Quliyev deyib.
Onun sözlərinə görə, bu tədbir COP29-dan sonra Birləşmiş Milllətlər Təşkilatı (BMT) tərəfindən təşkil olunan ikinci ən böyük tədbirdir: “Hazırda BMT-nin ixtisaslaşmış təşkilatı ilə sıx iş aparılır. Həm tədbirin təşkili, həm də inzibati məsələlərin müzakirəsi gedir. Təbii ki, tədbirin proqramı, məzmunu və iştirakçılarla bağlı hazırlıq işləri görülür. Bakı bu tədbirə 2026-cı ilin may ayında ev sahibliyi edəcək”.
