“Neftçilər” metrostansiyasında qatar tüstüləyib.
NOCOMMENT.az xəbər verir ki, “İçərişəhər” istiqamətində hərəkət edən qatar “Neftçilər” stansiyasında tüstülənmə səbəbindən dayanmayıb və geri qayıdıb.
Tüstülənmənin başvermə səbəbi hələlik məlum deyil.
“Bakı Metropoliteni” QSC-nin İctimaiyyətlə əlaqələr şöbəsinin rəisi Bəxtiyar Məmmədov Musavat.com-a bildirib ki, qatarların geri qayıtması hər gün baş verən adi bir prosesdir:
“Hər gün qatarları “Neftçilər” stansiyasının dalanından geri qaytarırıq. Məsələn, səhər saatlarında həmin qatar “Koroğlu” stansiyasına qədər boş gəlir. Gün ərzində bu cür əməliyyatlar 6–7 dəfə həyata keçirilir. Orada qeyri-adi heç nə yoxdur”,- deyə o qeyd edib.
B. Məmmədov qatarın tüstüləməsi ilə bağlı suallara da aydınlıq gətirib:
“Metroda kəskin iy hiss olunanda havalandırma qurğusunu işə salırlar və qoxu bir neçə dəqiqə ərzində yox olur. Bu, yalnız həmin qoxunun müşahidə olunması ilə bağlıdır”,- deyə o bildirib.
