Bakıda vətəndaşdan silah-sursat aşkar edilərək götürülüb.
NOCOMMENT.az xəbər verir ki, bu barədə Ədliyyə Nazirliyi Penitensiar Xidməti məlumat verib.
Bildirilib ki, qurumun əməliyyat aparatının Daxili İşlər Nazirliyinin əməkdaşları ilə birgə keçirdiyi əməliyyat-axtarış tədbiri nəticəsində Niyaməddin Həsənova məxsus bir ədəd “RQ-42” markalı əl qumbarası, bir ədəd UZRQM partladıcısı, bir ədəd MPT markalı avtomatik tüfəng, 5,45 mm çaplı səkkiz ədəd avtomat patronu və 36 kalibrli bir ədəd tüfəng patronu Suraxanı rayonu, Bülbülə qəsəbəsi ərazisində aşkar edilərək götürülüb.
Əl qumbarası Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları tərəfindən zərərsizləşdirilib.
Faktla bağlı araşdırma aparılır.
