Amerika prezidenti Co Bayden bildirib ki, ABŞ dünya səhnəsini tərk edərsə, dünya lidersiz qalacaq.
NOCOMMENT.az xəbər verir ki, bu barədə Ağ Evin mətbuat xidməti məlumat yayıb.
Floridada seçkiqabağı tədbirdə çıxış edən Baydenin sözlərinə görə, ABŞ ən vacib ölkədir. Dövlət başçısı belə bir bəyanatın zarafat və ya öyünmə olmadığını vurğulayıb.
“Əgər ABŞ Trampın istədiyi kimi dünya səhnəsini tərk edərsə, o zaman dünya lideri kim olacaq?”, – deyə Bayden qeyd edib.
Dövlət başçısı həmçinin bildirib ki, seçkiqabağı sorğuların nəticələri onun xeyrinədir.
