Braziliya prezidenti Luiz İnasio Lula da Silva 6 yeni yerli yaşayış yerində mədən işlərinin aparılmasını və kommersiya kənd təsərrüfatını məhdudlaşdıran fərman verib.
NOCOMMENT xəbər verir ki, Lula yanvar ayında vəzifəyə gəldiyi gündən bəri vətənində mədənçiliyi təbliğ edən ifrat sağçı sələfi Jair Bolsonaronun siyasətini tərsinə çevirəcəyini bildirib.
Paytaxt Braziliyada açıqlama verən Lula prosesin zaman alacağını ifadə edərək, “Doğma torpaqlara qanunilik gətirəcəyik” dedi.
6 yeni yerli yaşayış sahəsi ilə bağlı qərar çərçivəsində böyük Amazon tropik meşə sahəsi də daxil olmaqla təxminən 620.000 hektar ərazi mühafizə olunub.
