Böyük Britaniyanın Enerji Təhlükəsizliyi və Sıfır Emissiyalar üzrə Naziri Qrant Şapps yanğınsöndürənlərin qaçqınların yerləşdiriləcəyi gəmini yanğın təhlükəsizliyi ilə bağlı “potensial ölüm tələsi” kimi xarakterizə etməsinə qarşı çıxıb.
NOCOMMENT.az xəbər verir ki, nazir Şapps yanğınsöndürənlərin İngiltərənin 500 kişi qaçqına ev sahibliyi etməyi planlaşdırdığı gəmidə yanğın çıxışları və mümkün həddən artıq tutumla bağlı narahatlıqlarını ifadə etdikdən sonra mətbuata açıqlama verib.
Sığınacaq axtaranların yerləşdirilməsinin gəmidə yeni təhlükəsizlik yoxlamaları səbəbiylə gecikdiyini qeyd edən Şapps gəminin təhlükəsiz olmadığına dair tənqidləri rədd edib.
“Gəmi ölüm tələsi olmayacaq. Bu gəmi əvvəllər Almaniya tərəfindən mühacirləri yerləşdirmək üçün istifadə edilib. Onun təhlükəsiz olmaması üçün qətiyyən heç bir səbəb yoxdur” .
NOCOMMENT.AZ
