Ukrayna Prezident Ofisinin keçmiş rəhbəri Andrey Yermakın evində aparılan axtarışlar zamanı hüquq-mühafizə orqanları bir neçə mobil telefon və noutbuk ələ keçirib.
NOCOMMENT.az xəbər verir ki, bu barədə “Ukrayinska pravda” hüquq-mühafizə orqanlarındakı mənbələrə istinadən məlumat yayıb.
Bildirilir ki, götürülən qurğuların tərkibi hazırda araşdırılır və ekspertiza tərəfindən öyrənilir.
Mənbələr həmçinin daha əvvəl yayılan məlumatları — guya axtarışların Yermakın iş kabinetində aparıldığı iddialarını təkzib edib. Məlumat verən şəxsin sözlərinə görə, istintaq hərəkətləri yalnız Yermakın ev ünvanında həyata keçirilib.
