Ermənipərəst jurnalist Modest Kolerov təsisçinin qərarı ilə “Reqnum” informasiya agentliyinin baş redaktoru vəzifəsindən azad edilib.
NOCOMMENT axar-a istinadən xəbər verir ki, bu barədə jurnalist “RİA Novosti”yə açıqlamasında deyib.
“İşdən çıxmağımla bağlı təsisçinin qərarının surətini almışam. Artıq bu vəzifəyə REN TV-də işləyən Qriqoryev soyadlı şəxs təyin olunub”, – deyə o bildirib.
Kolerov vurğulayıb ki, yeni rəhbərlikdən heç kim onunla əlaqə saxlamayıb və ona heç nə barədə məlumat verməyib: “Bu, onların düşmənçiliyindən xəbər verir”.
Qeyd edək ki, ötən axşam “Reqnum” agentliyinin bağlanması ilə bağlı məlumat yayılıb.
