20 yaşlı azərbaycanlı tələbə Hüseyn Abdullayev Ukraynada müharibə başlayanda Mariupol Universitetində təhsil alırdı.
NOCOMMENT.az xəbər verir ki, müharibə başlayandan sonra Hüseyn Abdullayev Mariupolu tərk edib, yol boyu bir neçə Rusiya postunu keçib, amma axırıncı postda onları dayandırıblar.
Hüseyn Abdullayev saxlanıldıqdan sonra həbsxanaya aparılıb. Hüseyn deyir ki, onu ruslara qarşı döyüşmüş hərbçi sayıblar. Heç cür inandıra bilmirmiş ki, o, sadəcə, tələbədir.
25 gün əsirlikdə qalan Hüseyin işgəncələrlə üzləşdiyini iddia edir.
Hüseyn deyir ki, dostları rus ordusundakı çeçen hərbçilərlə əlaqə saxlayıblar və onu xilas edə biliblər. Əsirlikdən sonra Hüseyn Zaparojye şəhərində xəstəxanada müalicə alıb.
Onun sözlərinə görə, Zaparojyedən təxliyəsinə Azərbaycanın Ukraynadakı səfirliyi kömək edib. Bakıya gələn Hüseyn dərhal doğulduğu Neftçalaya, ailəsinin yanına gəlib.
Ukraynanın Mariipol şəhərində ekologiya üzrə oxuyan Hüseyn təhsilini Azərbaycanda davam etdirmək niyyətindədir. Videonu BBC üçün Əminə Məmmədova çəkib.
