Birləşmiş Ərəb Əmirlikləri (BƏƏ)-Nikaraqua reysini həyata keçirərkən yanacaq doldurmaq üçün dayandığı Fransada 4 gün saxlanılan və sərnişinlərinin əksəriyyəti Hindistan vətəndaşları olan təyyarə Hindistanın Mumbay şəhərinə eniş edib.
NOCOMMENT.az xəbər verir ki, Hindistan mətbuatında yayılan xəbərlərə görə, Fransanın 4 gün sonra havaya qalxmağa icazə verdiyi təyyarə 27 sərnişini Fransada buraxaraq 276 sərnişinlə Mumbaya enib.
Sərnişinlərdən 25-nin “sığınacaq” üçün müraciət etdiyi, 2-nin isə “insan alveri” şübhəsi ilə dindirilmək üçün bu ölkədə qaldığı qeyd edilib.
Fransanın sözügedən təyyarənin dünən havaya qalxmasına icazə verdiyi bildirilib.