Rusiyanın Kamçatka yarımadası sahillərində 5,5 maqnitudalı zəlzələ baş verib. Rusiya Elmlər Akademiyasının Vahid Geofizika Xidmətinin regional bölməsindən verilən məlumata görə, yeraltı təkanlar şənbə günü yerli vaxtla qeydə alınıb.
NOCOMMENT.az xəbər verir ki, zəlzələnin episentri yarımadanın şərq sahillərində, Sakit okean sularında yerləşib. Seysmik ocağın yerin 50 kilometr dərinliyində olduğu bildirilir. Yeraltı təkanlar sahil zonasına yaxın yaşayış məntəqələrində, o cümlədən Petropavlovsk-Kamçatski şəhərində hiss edilib.
İlkin məlumatlara görə, təbiət hadisəsi nəticəsində dağıntı və ya insan tələfatı qeydə alınmayıb. Hazırda bölgədə sunami təhlükəsi elan olunmayıb. Mütəxəssislər ərazidə afterşokların (təkrar təkanların) baş vermə ehtimalını araşdırırlar.
Sara,
NOCOMMENT.az
