Biləsuvar rayonunda ölümlə nəticələnən yol-nəqliyyat hadisəsi baş verib.
NOCOMMENT.az xəbər verir ki, hadisə rayonun Aşağı Cürəli kəndi ərazisində qeydə alınıb.
Belə ki, “Niva” markalı avtomobilin sürücüsü 1960-ci il təvəllüdlü Əlizadə Əliyev idarəetməni itirib, nəticədə avtomobil kanala düşüb.
İlkin məlumata görə, Ə.Əliyev sükan arxasında ürək tutmasından dünyasını dəyişib.
Qeyd edək ki, mərhum pambıqçılıq sahəsində fəaliyyət göstərən “P-Aqro” şirkətində aqronom vəzifəsində çalışırmış.
Faktla bağlı araşdırma aparılır./İqtisadiyyat.az/
