16.11.2025-ci il tarixində saat 17:20 radələrində 1969-cu il təvəllüdlü şəxs (kişi) xəsarət alması səbəbilə Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Bu barədə TƏBİB-dən NOCOMMENT.az -a məlumat verilib.
Bildirilib ki, ona döş qəfəsinin sağ yuxarı iç səthinin 5-ci qabırğa səviyyəsində daxilə keçən kəsilmiş-deşilmiş yarası, qarının aşağı hissəsinin sağ iç hissəsinin daxilə keçən kəsilmiş-deşilmiş yarası diaqnozu təyin edilib.
Hazırda pasiyentin müalicəsini Cərrahiyyə şöbəsində davam etdirir. Vəziyyəti orta ağır olaraq qiymətləndirilir.
***20:48
Şəmkir sakini bıçaqlayan şəxs tutulub.
NOCOMMENT.az-ın Qərb bürosunun məlumatına görə, Şəmkir rayon Polis şöbəsinin əməkdaşkarını keçirdikləri müvafiq tədbirlər nəticəsində hadisəni törətməkdə şübhəli bilinən 1974-cü il təvəllüdlü Əlövsət Həsənov saxlanılaraq istintaqa təhvil verilib.
Qeyd edək ki hər iki şəxs həm əmioğlu həmdə xalaoğludur.
***
Şəmkirdə bıçaqlanma olub.
NOCOMMENT.az-ın qərb bürosunun məlumatına görə, hadisə rayonun Təzəkənd kəndində baş verib.
Kənd sakini 1974-cü il təvəllüdlü Əlövsət Həsənov münaqişə zəminində həmkəndlisi 1969-cu il təvəllüdlü Əbülfəz Həsənova bıçaqla xəsarətlər yetirib.
Xəsarət alan şəxs xəstəxanaya yerləşdirilib, vəziyyətinin kafi olduğu bildirilir.
Faktla bağlı araşdırma aparılır.
