İspaniya nəhəngi “Real Madrid” “Fənərbaxça”dan transfer etdiyi Arda Gülər üçün imza mərasimi keçirib .
NOCOMMENT.az xəbər verir ki, “Real”ın prezidenti Florentino Peres Arda Gülərin imza mərasimində danışıb.
Perez Madrid komandasını seçdiyi üçün Ardaya təşəkkür edib və deyib:
“18 yaşın olsa da, arzuna çatdın. Yaşının az olmasına baxmayaraq, bir çox uğurlara imza atmısan. Arzunu həyata keçirmənə kömək edəcəyik. Bacarıqlarınla birlikdə gücümüzü gücləndirəcəyik. Çempionları qazanmağın yolunu tapacağıq.
Sən burada böyüyəcəksən. Təkcə futbolçu kimi deyil, şəxsiyyət kimi də böyüyəcəksən. Real Madriddə özünü dünyaya tanıdacaqsan. Biz birlikdə uğur qazanacağıq. Real Madrid karyeranı taclandıracaq.
Hörmətli Arda, bu formanı seçdiyin üçün çox sağ ol. Milyonlarla Madridli sizi bizim bir hissəmiz kimi görür. Çox ağır məsuliyyətdir. İndi “Real Madrid”i təmsil edəcəksən. Sən milyonlarla gəncin kumiri olacaqsan“, – o deyib.
Mərasimdə qısa çıxış edən Arda Gülər isə bunları deyib:
“İlk növbədə ailəmə, bura gəlməyimdə kömək edən insanlara və kluba təşəkkür edirəm. Mən də “Real Madrid”in əfsanəsi olmaq istəyirəm. Hər şey üçün təşəkkür edirəm. Bu klubun əfsanəsi olmaq istəyirəm”.
