İsrail aviasiyası Livanın cənubundakı Hasbaya bölgəsinə hücum edib, oradan “Hizbullah” şiə silahlı milislərinin döyüşçüləri Qolan təpələrinə raket zərbələri endirib.
NOCOMMENT.az xəbər verir ki, bu barədə “Al Mayadeen” telekanalı məlumat yayıb.
“Səhər saatlarında İsrail artilleriyası Livanın cənubunda “Hizbullah”ın forpostu kimi xidmət edən Markaba və Hula şəhərlərini atəşə tutub”.
Yayımçının məlumatına görə, hücum nəticəsində “Hizbullah” döyüşçülərinin İsrail mövqelərinə hücum etmək üçün istifadə etdiyi üç reaktiv yaylım atəşi qurğusu məhv edilib.
İsrail mediası səhər saatlarında İsrailə 100-ə yaxın raket atıldığını qeyd edib. “Al Mayadeen” xəbər verir ki, şiə yaraqlıları Livanın şərqindəki Baalbek şəhərinə endirilən hava hücumuna cavab olaraq İsrail Müdafiə Qüvvələrinin (IDF) mövqelərinə hücum edib və nəticədə bir neçə yerli sakin yaralanıb.
