NOCOMMENT.az xəbər verir ki, Misirin dövlət informasiya xidmətinin rəhbəri Diya Rəşvan bildirib ki, İsrail və HƏMAS arasında Qəzza zolağında müvəqqəti atəşkəs haqqında razılaşma iki gün uzadıla bilər. Onun sözlərini TASS sitat gətirir.
“Dövlət informasiya xidmətinin rəhbəri Diya Rəşvan Misir və Qətərin səylərinin Qəzza zolağında humanitar atəşkəsi daha iki gün uzatmağa yaxın olduğunu açıqlayıb.
Danışıqlardakı vasitəçilərin sözlərinə görə, İsrail həbsxanalarında cəza çəkən 60 fələstinli məhbusun müqabilində 20 israilli girov müəyyən edilmiş müddətdə azad oluna bilər.
Rəşvan vurğulayıb ki, bazar ertəsi Qəzza zolağından 11 israilli girovun azad ediləcəyi gözlənilir. O əlavə edib ki, hazırda 33 fələstinlinin azad edilməsi üçün danışıqlar aparılır.
