İsveçin NATO-dakı daimi nümayəndəsi Aksel Verhoff bildirib ki, krallıq bu ölkədə NATO qüvvələrinin mövcudluğu çərçivəsində öz silahlı qüvvələrini Latviya ərazisinə göndərmək niyyətindədir. Noyabrdan qoşunların köçürülməsi planlaşdırılır.
NOCOMMENT.az xəbər verir ki, bu barədə “Politico”ya daimi nümayəndə məlumat verib.
“Vernhoff İsveçin NATO-nun orada mövcudluğu çərçivəsində Latviyada qoşun yerləşdirmək planını təsdiqləyib. İsveç əməliyyata noyabrda başlamağı planlaşdırır”, – nəşr yazır.
Qeyd olunur ki, krallığın qoşunları Latviyada Danimarka silahlı qüvvələri ilə “alternativ” olacaq.
Bundan əvvəl Vernhoff bildirib ki, alyans uzun illər Rusiyadan gələn təhlükə ilə yaşamalı olacaq.
