İsveçin paytaxtı Stokholmda PKK terror təşkilatının bir qrup tərəfdarı polis nəzarəti altında Türkiyə və NATO əleyhinə nümayiş təşkil edib. O, prezident Ərdoğanın əleyhinə və “NATO-ya yox” şüarları səsləndirib.
NOCOMMENT xəbər verir ki, terror təşkilatı PKK/YPG tərəfdarları İsveçin paytaxtı Stokholmda Medborgarplatsen meydanına toplaşaraq, İsveçin NATO-ya üzvlük prosesi zamanı Türkiyə ilə bağladığı razılaşmanın ləğvini tələb edib.
Əllərində terror təşkilatı PKK/YPG-ni simvolizə edən parçaları olan və lider Abdullah Öcalanın posterini nümayiş etdirən terror təşkilatı tərəfdarları prezident Ərdoğana qarşı şüarlar səsləndiriblər. Terrorçular polis nəzarəti altında İsveç parlamentinə doğru yürüş edərək “NATO-ya yox” şüarları səsləndiriblər.
İsveç polisi terror tərəfdarlarının yürüşünün qarşısını almaq üçün tədbir olaraq yürüş marşrutu üzərindəki yolları qısa müddətə bağlayıb.
