Ermənistanın Ərazi İdarəetmə və İnfrastruktur Nazirliyi ölkənin keçmiş baş naziri Qrant Baqratyanın İranla sərhədin bağlanması və respublika ilə yük daşımalarının dayandırılması ilə bağlı bəyanatını təkzib edib.
NOCOMMENT-in teleqraf-a istinadən məlumatına görə, Ermənistanın sabiq baş naziri Q.Baqratyan mətbuat konfransı zamanı bildirib ki, hazırda İranla yükdaşımalar dayandırılıb, İranla sərhəd bağlanıb, Ermənistanın isə göstərilən ölkə ilə yük əlaqəsi yoxdur.
“Sizə bildiririk ki, Baqratyanın açıqlamaları reallığa uyğun gəlmir. İranla sərhəd açıqdır, rabitə, yük daşımaları davam edir. İran və Ermənistan sərhədindən gündə 150-160 yük maşını keçir”, – deyə Ərazi İdarəetmə və İnfrastruktur Nazirliyi keçmiş Baş nazirin dediklərini təkzib edib.
