İtaliyanın şimal-qərbində meşələrdə yanğın baş verib.
NOCOMMENT xəbər verir ki, İtaliyanın şimal-qərbindəki Piedmont bölgəsindəki meşəlik ərazidə baş verən və güclü küləyin təsiri ilə ətrafa yayılan yanğının söndürülməsi istiqamətində işlər davam etdirilir.
İtaliya mətbuatında yer alan xəbərə görə, ölkənin şimal-qərbindəki Turin şəhəri yaxınlığındakı Lanzo qəsəbəsi ətrafında dünən naməlum bir səbəbdən başlayan yanğının 24 saatdır davam etdiyi, yanğınsöndürənlərin və könüllü dəstələrin söndürmə işlərini fasiləsiz davam etdirdiyi qeyd edilib.
İHA-larla geniş əraziyə yayıldığı təsbit edilən alova 2 yanğınsöndürən təyyarə və bir helikopterlə havadan müdaxilə edildiyi bildirilib.
Bildirilib ki, meşə yanğını təhlükəsi ilə üzləşən bəzi yaşayış məntəqələrində təxliyə prosedurlarına başlanılıb və indiyədək risk altında olan 25 nəfər rayondan çıxarılıb.
Son illər İtaliya xüsusilə cənub bölgələrində yay aylarında meşə yanğınları ilə mübarizə aparmalı olub.
