Ermənistanda 20 iyun növbədənkənar parlament seçkiləri öncəsi siyasi mübarizə kəskinləşib.
NOCOMMENT modern.az-a istinadən xəbər verir ki, Yerevanda tərəfdarları ilə görüşən baş nazir Nikol Paşinyan eks-prezident Robert Köçəryanı Mehri rayonunu Azərbaycana verməkdə ittiham edib.
“Köçəryan 1999-cu ildə Laçin dəhlizinin qarşılığında Mehri rayonunun Azərbaycana verilməsi barədə danışıqlar aparırdı”, – deyə Paşinyan söylətib.
O, Köçəryanı 1999-cu ildə Ermənistan parlamentində baş verən terror aktı barədə də öncədən məlumatlı olmaqda ittiham edib.
Vanadzor şəhərində tərəfdarları ilə görüşən Köçəryan isə səslənən açıqlamaları yalan adlandırıb.
