ABŞ Müdafiə Nazirliyi iyulun 9-da Sentinel qitələrarası ballistik raket (ICBM) proqramının gələcəyi ilə bağlı qərarını açıqlayacaq.
NOCOMMENT.az xəbər verir ki, bu barədə “RİA Novosti” Pentaqona istinadən məlumat yayıb.
“Departament Sentinel proqramının gələcəyi ilə bağlı qərarını açıqlayacaq”, – məlumatda bildirilir.
Pentaqon dəqiqləşdirib ki, qiymətləndirmə prosesi başa çatdıqdan sonra “Konqres qarşısında öhdəliklər” yerinə yetiriləcək. Nazirlik nümayəndəsi dəqiqləşdirib ki, hazırda idarə qarşıdan gələn qərarla bağlı ətraflı məlumat verməyə hazır deyil.
Bundan əvvəl məlum olub ki, Sentinel ICBM layihəsinin dəyəri ilkin hesablamalarla müqayisədə 81% artıb. Altı ay əvvəl Sentinel proqramının dəyəri 37% artıb. Eyni zamanda, raketin təxminən 2032-ci ildə istifadəyə veriləcəyi proqnozlaşdırılırdı.
