Lisenziyaları ləğv edilən “AG Bank”, “Amrah Bank”, “Atabank” və “NBC Bank” ASC-lərin əmanətçiləri bu gün Konstitusiya Məhkəməsinin önündə yığışıblar.
NOCOMMENT xəbər verir ki, “MediaPost”un əldə etdiyi məlumata görə, aksiyaya səbəb bloklanan əmanətlərlə bağlı keçirilən məhkəmə iclasıdır.
Qeyd edək ki, dünən Konstitusiya Məhkəməsində bankların vaxtilə qanunsuz qəbul etdiyi əmanətlərin bloklanması və əmanətçilərə kompensasiyanın ödənilməməsi məsələsinə həsr olunmuş məhkəmə iclası keçirilib.
Həmçinin bax: Məhkəmə əmanətləri bloklananlarla bağlı bu vaxt qərar verəcək
Qeyd edək ki, Mərkəzi Bank vaxtilə sözügedən 4 bankda əmanət yerləşdirilməsini qadağan edib. Əmanətçilər isə həmin qərarın ictimaiyyətə açıqlanmamasından, bu müddətdə yerləşdirdikləri əmanətlərinin qorunan olduğu ilə bağlı banklar tərəfindən təminat verilməsinə baxmayaraq Əmanətlərin Sığortalanması Fondu tərəfindən kompensasiyanın ödənilməməsindən və Mərkəzi Bankın bu məsələyə nəzarət etməməsindən şikayət edir.
