NOCOMMENT.az xəbər verir ki, Argentina Rusiyanı Argentinanın seçilmiş prezidenti Xavyer Maylinin andiçmə mərasimində iştirak etməyə dəvət edib. Bu barədə RİA Novosti-yə Rusiya Xarici İşlər Nazirliyindəki mənbə bildirib.
“Argentina bizi andiçmə mərasiminə dəvət etdi. Orada Rusiya Federasiyasının nümayəndəsi olacaq”, – deyə onlar jurnalistlərə bildiriblər və mərasimdə ölkəni kimin təmsil edəcəyini dəqiqləşdirməyiblər.
Argentinada ümumi seçkilər oktyabrın 22-də və noyabrın 19-da keçirilib. Səsvermənin nəticələrinə əsasən, ölkə yeni dövlət başçısını, vitse-prezidenti, əksər əyalətlərin qubernatorlarını və Argentina Milli Konqresinin üzvlərini seçib.