Rusiya Səudiyyə Ərəbistanı və Qətərə BƏƏ ilə danışıqlardan sonra ikiqat vergitutma müqavilələrinə yenidən baxmağı təklif edib.
NOCOMMENT.az xəbər verir ki, bu barədə “Vedomosti” qəzeti dövlət katibi və maliyyə nazirinin müavini Aleksey Sazanova istinadən yazır.
Spiker bildirib ki, Rusiya Maliyyə Nazirliyi müvafiq sorğular göndərib və cavab gözləyir.
Bir gün əvvəl BƏƏ və Rusiya arasında yeni vergi sazişləri üzrə danışıqların dalana dirəndiyi xəbəri yayılmışdı. Əbu-Dabi qonşu ərəb ölkələrində də analoji dərəcələrin müəyyən edilməsi şərti ilə 10-10-10 düsturuna (faiz, dividend və qonorar 10%-lə) razılaşmağa hazır olduğunu bildirib.
İndi Səudiyyə Ərəbistanı və Qətərlə sazişlər daha cəlbedicidir. Sahibkarlıq subyektləri üçün dividend vergisi 5%, dövlət şirkətləri və bir sıra digər kateqoriyalar üçün 0% müəyyən edilib. Hər iki ölkədə borc üzrə faizlər 5% təşkil edir. Səudiyyə Ərəbistanı üçün royalti dərəcəsi 10%, Qətər üçün isə sıfırdır.
