“Vaqner PMC-nin Rusiya silahlarının Suriyadakı Hizbullah hərəkatına ötürülməsi ehtimalı ilə bağlı mətbuatda yayılan xəbərlər heç nəyə əsaslanmır, Vaqner qrupunun özü de-fakto mövcud deyil”.
NOCOMMENT.az xəbər verir ki, bu barədə Rusiya prezidentinin mətbuat katibi Dmitri Peskov jurnalistlərə açıqlamasında deyib.
“Biz artıq demişdik ki, faktiki olaraq belə bir qrup yoxdur, ona görə də bütün bu arqumentlər, bir qayda olaraq, heç nəyə əsaslanmır, arxasında heç nə yoxdur. Narahat edən bir şey varsa, onlar hər zaman bizim ordumuza gətirilə bilər”, – Peskov bildirib.
Bir müddət əvvəl Amerika mediası Vaqner qruplaşmasının nümayəndələrinin Pantsir komplekslərinin Hizbullaha mümkün transferi ilə bağlı ABŞ-ın narahatlığı barədə məlumat yayıb.
