Ukrayna Silahlı Qüvvələrinin Baş Qərargahı müharibənin başladığı gündən bu yana Rusiya ordusunun məruz qaldığı itkilərlə bağlı ən son rəsmi məlumatları ictimaiyyətə təqdim edib. Müharibənin 1512-ci gününə olan göstəricilər hərbi texnika və canlı qüvvə itkisinin kritik həddə çatdığını göstərir. Yenilənmiş statistikaya əsasən, Rusiya tərəfi indiyədək 1 313 970 hərbçisini itirib ki, bura həm həlak olanlar, həm də ağır yaralılar daxildir.
NOCOMMENT.az xəbər verir ki, texnika itkiləri arasında ən çox diqqət çəkən rəqəmlər tank və artilleriya sistemləri ilə bağlıdır. Belə ki, Rusiya ordusunun cəbhə xəttində 11 864 tankı və 24 390 zirehli döyüş maşını məhv edilib. Ukrayna tərəfinin məlumatına görə, düşmənin artilleriya arsenalına da ciddi zərbə vurulub; ümumilikdə 40 003 artilleriya sistemi, 1 736 reaktiv yaylım atəş sistemi (RYAS) və 1 346 hava hücumundan müdafiə sistemi sıradan çıxarılıb.
Hava və dəniz qüvvələrindəki itkilər də xüsusi qeyd olunub. Rusiya indiyədək 435 hərbi təyyarə və 350 helikopterini itirib. Dəniz döyüşlərində isə 33 gəmi və kater, həmçinin 2 sualtı qayıq Ukrayna qüvvələri tərəfindən hədəfə alınıb. Müasir müharibənin əsas vasitələrindən olan PUA-ların (239 241 ədəd) və qanadlı raketlərin (4 517 ədəd) zərərsizləşdirilməsi də Ukraynanın müdafiə potensialının göstəricisi kimi qiymətləndirilir. Bundan əlavə, 89 553 avtomobil texnikası və 4 125 xüsusi avadanlıq da işğalçı ordunun itkiləri siyahısındadır.
Sara,
NOCOMMENT.az
