Türkmənistanın Azərbaycanda yeni təyin olunan fövqəladə və səlahiyyətli səfiri Qurbanməmmet Elyasov Şuşaya gedib.
NOCOMMENT xəbər verir ki, bu barədə Azərbaycan Prezidentinin Şuşa şəhərində xüsusi nümayəndəsi Aydın Kərimov tviter səhifəsində yazıb.
“Türkmənistanın Azərbaycana yeni təyin olunmuş səfiri cənab Qurbanməmmet Elyasov Azərbaycanın Mədəniyyət Paytaxtı Şuşaya ilk səfərini edib. Səfir şəhərin tarixi yerləri ilə tanış olub, ona aparılan bərpa və yenidənqurma işləri barədə məlumat verilib”, – deyə paylaşımda qeyd olunub.
Türkmənistanlı diplomat işğal dövründə Şuşanın tarixi-memarlıq abidələrinə vurulmuş ziyan barədə də məlumatlandırılıb.
