Qazaxıstan hakimiyyəti Aktau şəhəri yaxınlığında “Azərbaycan Hava Yolları” (AZAL) sərnişin təyyarəsinin qəzaya uğramasının səbəbləri 2025-ci ilin dekabrına kimi açıqlanacağını bildirib.
NOCOMMENT.az xəbər verir ki, bunu Qazaxıstanın nəqliyyat nazirinin müavini Talqat Lastayev jurnalistlərə açıqlamasında deyib.
Onun sözlərinə görə, ICAO-nun tövsiyə etdiyi tələblərə və standartlara uyğun olaraq, araşdırma 1 il davam edir.
“Müvafiq olaraq, bu ilin dekabr ayına qədər istintaqla bağlı yekun hesabat tamamlanmalıdır”, – Lastayev qeyd edib.
Xatırladaq ki, “Azərbaycan Hava Yolları” (AZAL) sərnişin təyyarəsi ötən ilin dekabrın 25-də Aktau şəhərində qəzaya uğrayıb.\\Unikal
