Bakı Hərbi Məhkəməsinin hakimləri koronavirusa yoluxublar.
NOCOMMENT teleqraf-a istinadən xəbər verir ki, bunlar Elbəy Allahverdiyev və Camal Ramazanovdur.
Hər iki hakim koronavirus şübhəsi ilə test verib və onların verdikləri testin cavabı pozitiv çıxıb. Bu səbəbdən hər iki hakimin icraatında olan işlər qeyri-müəyyən vaxtadək təxirə salınıb.
Qeyd edək ki, hər iki hakimin icraatında bir çox işlər var.
Hakim Elbəy Allahverdiyevin sədrliyi ilə ləğv edilmiş Milli Təhlükəsizlik Nazirliyi Baş İstintaq İdarəsinin rəisi, general-mayor Mövlam Şıxəliyev, istintaq idarəsinin rəis müavini, 1-ci şöbənin rəisi Yasin Məmmədov, istintaq idarəsinin 2-ci şöbənin rəisi, polkovnik Vüsal Ələkbərov və istintaq idarəsinin metodiki yardım və kriminalistika şöbəsinin rəis müavini Sahib Ələkbərovun cinayət işi araşdırılır.
Hakim Camal Ramazanovun sədrliyi ilə ləğv edilmiş Milli Təhlükəsizlik Nazirliyi Hərbi Əks-Kəşfiyyat Baş İdarəsinin sabiq rəisi, general Nizami Şirinov və qurumun tərkibində olan idarələrin rəisləri işləmiş Elcan Abdullayev və Elman Tahirov, əməliyyat müvəkkili olmuş Nadir Nəzirovun cinayət işi araşdırılır.
