Kosmik səyahət və enerji istehsalında inqilab yarada biləcək texnologiyalar üzərində araşdırma aparan 34 yaşlı amerikalı alim Amy Eskridge ölümündən qısa müddət əvvəl izlənildiyi barədə şikayətlənib.
Qadın dövlət sirlərini çıxarmaq üçün izlənildiyini və guya narkotik verildiyini iddia edib.
NOCOMMENT.az xəbər verir ki, Amy Eskridge 11 iyun 2022-ci ildə başında güllə yarası halda ölü tapılıb. Ölümü intihar kimi qiymətləndirilsə də, internetdə yayılan yeni video onun başına əslində nə gələ biləcəyi ilə bağlı suallar doğurur.
2020-ci ildə həmkarları ilə söhbət zamanı qadın təqib olunduğunu və ona dəfələrlə sakitləşdirici dərmanlar ötürdüklərin iddia edib:
“Mənə dəfələrlə Rohypnol dərmanı ötürüblər. Geniş komandama da dəfələrlə Rohypnol dərmanı ötürüblər, sanki hansısa dəlicəsinə Rohypnol məclisi gedirmiş kimi”.
Tədqiqatçı həmçinin elmi işini davam etdirməkdən qorxduğunu bildirib. O, hər şeyi “sosial mühəndislik” kampaniyasında günahlandırıb, bu kampaniyada onun həyatı haqqında yaxından məlumatı olan yad insanlar ona yaxınlaşıb işi ilə bağlı suallar veriblər.
2020-ci ildə verdiyi müsahibədə o, gündəlik həyatındakı şübhəli hadisələri də təsvir edib. Bir dəfə Alabamadakı evinin yaxınlığındakı bir barda çox tez sərxoş olub. O, həmçinin dörd-beş il ərzində baş verən hədə-qorxudan şikayətlənib.
Alim həmçinin o zaman UNO-ların mövcudluğunu ictimaiyyətə effektiv şəkildə açıqlamaq üçün bir plan üzərində işlədiyini, lakin artan təhdidlər səbəbindən yaxın zamanda hərəkət etməkdən qorxduğunu deyib.
Eskric 2018-ci ildə atası Riçard Eskric ilə birlikdə “spekulyativ tədqiqatlar”, xüsusən də cazibə qüvvəsinə qarşı mühərriklərin yaradılması üzrə ixtisaslaşmış Ekzotik Elmlər İnstitutunu qurması ilə tanınır. UNO tədqiqatçıları bu texnologiyanı yadplanetlilərlə əlaqələndirirlər.
Keçmiş NASA işçisi olan ata isə qızının ölümünün müəmmalı olduğu iddialarını təkzib edir. O mətbuata açıqlama verməkdən də imtina edir.
Frank Milburn Britaniyalı Alimlə əlaqəsi olduğunu iddia edən təqaüdçü paraşütçü və kəşfiyyat zabiti isə Eksricin ölümünün səbəbləri barədə öz araşdırmasını aparıb. O, qadının iddia edildiyi kimi, ABŞ-da “özəl aerokosmik şirkət” tərəfindən UNO ilə bağlı müzakirədə iştirak etdiyi üçün öldürüldüyü qənaətinə gəlib. Onun tapıntıları sübut olunmasa da, 2023-cü ildə ABŞ Konqresinə təqdim edilib. Bəzi səlahiyyətlilər isə işi şübhəli hesab etdiklərini etiraf ediblər./Sfera.az/
