Ukraynada Türkiyənin təyyarə istehsal edən “Baykar” şirkəti tərəfindən “Bayraktar” pilotsuz uçan aparatlarının istehsalı müəssisəsinin tikintisinə başlanılıb.
NOCOMMENT.az xarici mediaya istinadən xəbər verir ki , bu barədə Ukraynanın strateji sənaye naziri Aleksandr Kamışin məlumat verib.
“Bir neçə ildir Ukraynada sözügedən Bayraktar zavodundan danışsaq, o zaman bu zavodda tikinti işlərinə başlanılıb. Bununla bağlı danışıqlar olub, sonra dayanacaqlar, qalmaqallar olub. Bu zavod tikilməyə başlayıb”, – Aleksandr Kamışin bildirib.
Xatırladaq ki, iyulun 8-də Türkiyə və Ukrayna pilotsuz təyyarələrin birgə istehsalının inkişafına dair memorandum imzalayıb.
Türkiyənin “Baykar” şirkətinin baş direktoru Haluk Bayraktar bildirib ki, şirkət 2025-ci ildə Ukraynada “Bayraktar TB2” və “Bayraktar Akıncı” pilotsuz uçan aparatlarının istehsalına başlamağı planlaşdırır.
Ukraynada “Bayraktar” zərbə pilotsuz təyyarələrinin istehsalı üçün zavod tikmək planları 2022-ci ilin avqustunda Türkiyədəki səfir Vasili Bodnar tərəfindən açıqlanıb. Kiyev bölgəsindəki zavodun sahəsi 30 min kvadratmetrdən çoxdur, 300 ukraynalı mühəndis və texniki işçi çalışacaq.
Ukraynada Bayraktar mərkəzinin tikintisi üçün yer bu ilin fevralında razılaşdırılıb.
NOCOMMENT
