“Meta”nın məşhur mesajlaşma proqramı “WhatsApp” bu yaxınlarda maraqlı yeni funksiya ilə istifadəçilərin fotoşəkilləri paylaşmasını asanlaşdıracağını açıqladı. Bundan əlavə, video proqramlarla rəqabət aparmaq üçün ekran paylaşma funksiyası aktivləşdiriləcək.
NOCOMMENT.az xəbər verir ki, yeniləmə barədə elanı “Meta”nın baş direktoru Mark Zukerberq verib.
“WhatsApp”ın HD şəkil paylaşımı istifadəçilərə ən yaxşı keyfiyyətdə şəkillər göndərib qəbul etməyə imkan verəcək və pikselli fotolar keçmişdə qalacaq.
Full HD təcrübəsi üçün istifadəçilər mesajlarına fotoşəkillər əlavə edərkən ekranın yuxarısındakı “HD” seçimini dəyişə biləcəklər.
Tətbiq həmçinin “Ekran Paylaşımı” adlı yeni funksiyanı təqdim edəcək.
Bu əlavə, sənədlər üzərində işlədiyinizdən, fotoşəkillərə baxdığınızdan, səfər planlaşdırdığınızdan və ya texniki dəstək göstərdiyinizdən asılı olmayaraq zənglər zamanı ekranın canlı görünüşünü paylaşmağa imkan verəcək.
Bu “WhatsApp”ı “Zoom”, “Meet” kimi məşhur video proqramları ilə uyğunlaşdıran, qarşılıqlı əlaqəni daha dinamik və cəlbedici edən xüsusiyyətdir.
