“Barselona”nın baş məşqçisi Xavi Hernandez “Fənərbağça”dan transfer olmağa hazırlaşan Arda Gülər ilə bağlı açıqlama verib.
NOCOMMENT.az xəbər verir ki, o, bu barədə mətbuat konfransında açıqlamalar verib.
İspan məşqçi Arda üçün sualı belə cavablandırıb: “Oriol Romeu və Vitor Roke ilə eyni vəziyyətdir, onlar başqa klublarla müqaviləsi olan oyunçulardır. Başqa klublarla müqaviləsi olan futbolçulardan danışmamalıyam…”
Xatırladaq ki, “Barselona” Arda Gülərin transferi üçün böyük səy göstərdi.
Klubun yeni idman direktoru Deko Türkiyəyə gələrək 18 yaşlı futbolçunu razı salmağa çalışıb.
Lakin Arda Gülər “Real Madrid”ə üstünlük verib. Real Madridin qısa zamanda Ardanın transferini rəsmən açıqlayacağı gözlənilir.
NOCOMMENT
