İri Yaponiya şirkətləri həmkarlar ittifaqları ilə danışıqlardan sonra işçilərin maaşlarını 4%-dən çox artırmağa razılaşıblar. Bu, 1992-ci ildən bəri ən əhəmiyyətli artım olacaq.
NOCOMMENT.az xəbər verir ki, bu barədə “Financial Times” məlumat yayıb.
Həlledici amillər ölkədə yaşayış minimumunun kəskin artması, eləcə də kadr çatışmazlığının getdikcə pisləşməsi idi. Keçən il həmkarlar ittifaqları 3,6% maaş artımına nail olublar.
Bu yaz işçilərin maaşlarını indeksləşdirəcək şirkətlər arasında elektronika istehsalçısı NEC (+4,3%), “ANA Holdings” aviaşirkəti (+5,6%), avtomobil istehsalçısı “Honda” (artım +5,6%), mühəndislik şirkəti “Mitsubishi Heavy Industries” (+8,3%) və polad tökmə zavodu “Nippon Steel “(+11,8%) var.
